Рэнэ Клер (фр.: René Clair, сапр. імя фр.: René-Lucien Chomette; 11 лістапада 1898, Парыж — 15 сакавіка 1981) — адзін з самых значных французскіх кінарэжысёраў 1920-х і 1930-х гадоў, стваральнік жанру музычнага фільма, пісьменнік, акцёр. Адметныя рысы яго карцін — лірызм і глыбокае разуменне чалавечай псіхалогіі ў спалучэнні з гумарам на мяжы буфанады і сатырычным поглядам на грамадства. Адстойваў незалежнасць французскага кінематографа ад Галівуду, змагаўся супраць «пагаднення Блюм — Бірнса».