Рэактыўны Янот (англ.: Rocket Raccoon, больш карэктны пераклад імя — Янот-Ракета) — персанаж з коміксаў кампаніі Marvel. Быў прыдуманы Білам Мантло і Кітам Гіфенам і ўпершыню з’явіўся ў сёмым выпуску серыі Marvel Preview, улетку 1976 года. Ён разумны, гуманоідны янот, які з’яўляецца экспертам у тактыцы і вельмі трапным стралком.
Рэактыўны Янот стаў адным з членаў каманды Вартавыя Галактыкі, якую аднавілі ў 2008 годзе. У фільмах «Вартавыя Галактыкі» і «Вартавыя Галактыкі 2» яго агучыў акцёр Брэдлі Купер.