Рыта (Рэбека) Вяньямінаўна Млодак (27 лютага 1906, Мінск — 3 снежня 1969) — беларуская спявачка (лірыка-драматычнае сапрана). Народная артыстка БССР (1940).
У 1928 годзе скончыла Віцебскі музычны тэхнікум, у 1933 годзе — Беларускую студыю оперы і балета. У 1933—1959 гадах (з перапынкамі) салістка Беларускага тэатра оперы і балета. У 1941—1942 гадах выступала ў оперных тэатрах Свярдлоўска(руск.) бел. і Пярмі, у 1942—1943 гадах удзельнічала ў канцэртах франтавых брыгад. Сярод партый: Таццяна, Ліза, Тамара, Маргарыта, Мікаэла, Аксана «Чаравічкі», Марыся «Міхась Падгорны» і інш. Выступала як канцэртная спявачка.