Рухча́нскі сельсавет — сельсавет у складзе Столінскага раёна Брэсцкай вобласці, Беларусь. Адміністрацыйны цэнтр — аграгарадок Рухча 1.
Утвораны 12 кастрычніка 1940 года ў складзе Столінскага раёна Пінскай вобласці[1], з 8 студзеня 1954 года ў Брэсцкай вобласці. 16 ліпеня 1954 года ў склад сельсавета з Біжаравіцкага сельсавета Пінскага раёна перададзены вёскі Грыўковічы і Тырвовічы[2], якія 9 кастрычніка 1954 года вернуты назад[3]. 11 жніўня 1959 года ў склад Радчыскага сельсавета перададзена вёска Аўсямірава[4].
Паводле перапісу 2009 года насельніцтва сельсавета складае 732 чалавекі[5], з іх 97,1 % — беларусы[6].