Рудольф Еніш (ням.: Rudolf Jaenisch; нар. 22 красавіка 1942) — нямецка-амерыканскі малекулярны біёлаг і генетык. Член Нацыянальнай акадэміі навук ЗША (2003) і Леапальдзіны (2004). Доктар медыцыны, прафесар Масачусецкага тэхналагічнага інстытута. Лаўрэат найпрэстыжнейшых узнагарод, у прыватнасці прэміі Вольфа па медыцыне (2011), а таксама ўдастоены Нацыянальнага навуковага медаля ЗША (2010).
Піянер у галіне стварэння генетычна мадыфікаваных арганізмаў. У 1974 годзе стварыў генетычна мадыфікаваных мышэй. У 1998 годзе кланаваў мыш.
У 2001 годзе выступіў супраць кланавання чалавека. У апошнія гады працуе над экспрэсіяй генаў, стварэннем эмбрыянальных ствалавых клетак і індукаваных ствалавых клетак.
Член Амерыканскай акадэміі мастацтваў і навук (1992).