Рольф Герман Неванліна (фінск.: Rolf Herman Nevanlinna; 22 верасня 1895, Ёэнсу — 28 мая 1980, Хельсінкі) — фінскі матэматык, найбольш вядомы працамі па комплексным аналізе (у прыватнасці, па размеркаванні значэнняў мераморфных функцый), стваральнік тэорыі Неванліны.
Вучыўся ў Аляксандраўскім універсітэце ў Хельсінкі (1913—1917), а ў 1919 годзе абараніў доктарскую ступень. У 1922 годзе стаў дацэнтам Хельсінкскага ўніверсітэта, і ў 1926 годзе атрымаў званне прафесара. 3 жніўня 1942 года, знаходзячыся на той момант на пасадзе рэктара Хельсінкскага ўніверсітэта, быў прызначаны кіраўніком добраахвотніцкага камітэта СС, які ажыццяўляў набор добраахвотнікаў у фінскі добраахвотніцкі батальён войскаў СС. У 1947 годзе перайшоў у Цюрыхскі ўніверсітэт, але вярнуўся на час у Фінляндыю, калі ў 1948 годзе ён стаў адным з 12 членаў ізноў створанай Акадэміі Фінляндыі.
З 1948 па 1963 гады Неванлін жыў у дзвюх краінах.
Пайшоў на пенсію ў 1963 годзе, пасля чаго працаваў канцлерам пры Універсітэце Турку да 1970 года. У палітыцы прытрымліваўся вельмі правых поглядаў, уваходзіў у Патрыятычны народны рух.