У Вікіпедыі ёсць артыкулы пра іншых асоб з прозвішчам Джонс. Рой Левеста Джонс малодшы (англ.: Roy Jones Jr., нар. 16 студзеня 1969, Пенсакола, штат Фларыда, ЗША) — амерыканскі баксёр-прафесіянал. Сярэбраны прызёр Алімпійскіх гульняў 1988 года. Чэмпіён свету ў сярэдняй (версія IBF, 1993—1994), другой сярэдняй (версія IBF, 1994—1996), паўцяжкай (версія WBC, 1997, 1997—2002 і 2003—2004; версія WBA, 1998—2002; версія IBF, 1999 −2002) і цяжкай (версія WBA, 2003) вагавых катэгорыях. Амерыканская асацыяцыя журналістаў, якая піша пра бокс, назвала Джонса «баксёрам дзесяцігоддзя» у 90-х гадах.