wd wp Пошук: ⬜

Расціслаў Янавіч Плят

У Вікіпедыі ёсць артыкулы пра іншых асоб з прозвішчам Плят. Расціслаў Янавіч Плят (30.11 (13.12).1908, Растоў-на-Доне — 30 чэрвеня 1989) — савецкі акцёр, народны артыст СССР (1961).

Біяграфічныя звесткі

Вучыўся на драматычных курсах пад кіраўніцтвам Ю. А. Завадскага. З 1927 года акцёр Тэатра-студыі пад кіраўніцтвам Завадскага, затым Растоўскага-на-Доне тэатра ім. Горкага, у 1938-41 гадах Маскоўскага тэатра імя Ленінскага камсамола, з 1943 года Тэатра ім. Массавета.

Творчасць

Сярод тэатральных роляў: Крогстад («Нара» Ібсена), Бурмін («Хлопец з нашага горада» Сіманава), Нінкавіч («Пані міністэрша» Нушыча), Цэзар («Цэзар і Клеапатра» Шоу), Барлей Купер («Далей цішыня» Дэльмар) і інш. Здымаўся ў кіно: халасцяк («Падкідыш»), Янак («Мара»), Бубянцоў («Вясна»), Грын («Забойства на вуліцы Дантэ»), Данкевіч («Іду на навальніцу») і інш .; сярод роляў, створаных у тэлевізійных фільмах, — Ірвін («Уся каралеўская раць»), пастар Шлаг («Семнаццаць імгненняў вясны»). Выступаў па радыё.

Яго творчасць вылучалася шырокім артыстычным дыяпазонам, майстэрствам унутранага і знешняга пераўвасаблення, інтэлектуальнасцю, іранічнасцю.

Прэміі і ўзнагароды

Дзяржаўная прэмія СССР, 1982.

Зноскі

↑ Плятт Ростислав Янович / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.

Літаратура

Календа Л. В. Плят // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 12: Палікрат — Праметэй. — 576 с. — 10 000 экз. — ISBN 985-11-0198-2 (т. 12), ISBN 985-11-0035-8.