Расо́нка, Расо́на — рака ў Расонскім раёне Віцебскай вобласці, правы прыток ракі Нешчарда (басейн Заходняй Дзвіны). Даўжыня 11 км. Плошча вадазбору 80 км². Сярэдні нахіл воднай паверхні 0,77‰. Выцякае з возера Расона за 1,8 км на паўднёвы захад ад гарадскога пасёлка Расоны, вусце за 0,6 км на паўднёвы захад ад вёскі Даўгабор’е. Рэчышча каналізаванае. У басейне ракі знаходзяцца азёры Свярынаўскае, Глухое і Вусце.