Пітэр Рэткліф (англ.: Peter John Ratcliffe; нар. 14 мая 1954, Моркам, Англія) — брытанскі навуковец-медык і малекулярны біёлаг, спецыяліст па ўспрыманні кіслароду і ў асаблівасці па гіпаксіі. Лаўрэат Нобелеўскай прэміі па фізіялогіі і медыцыне (2019). Дырэктар оксфардскага Target Discovery Institute (TDI) і там жа член Ludwig Institute for Cancer Research, таксама дырэктар па клінічных даследаваннях Francis Crick Institute; член Лонданскага каралеўскага таварыства і АМН Вялікабрытаніі (абодвух — з 2002). Рыцар-бакалаўр (2014).