У Вікіпедыі ёсць артыкулы пра іншых асоб з прозвішчам Сямашка. Пётр Міха́йлавіч Сяма́шка (нар. 8 кастрычніка 1949, в. Судабоўка, Смалявіцкі раён Мінскай вобласці, Беларуская ССР) — беларускі дзяржаўны дзеяч, былы міністр лясной гаспадаркі Рэспублікі Беларусь.
Нарадзіўся ў 1949 годзе ў в. Судабоўка Смалявіцкага раёна Мінскай вобласці.
У 1972 годзе скончыў Беларускі тэхналагічны інстытут, у 1987 годзе — Беларускі дзяржаўны інстытут народнай гаспадаркі.
З 1986 па 1995 гады займаў розныя пасады ў «Мінскзелянбудзе».
З 1995 па 2002 гады быў намеснікам старшыні Мінскага гарвыканкама, з 2002 года — кіраўнік адміністрацыі Партызанскага раёна горада Мінск.
З 6 жніўня 2004 года — міністр лясной гаспадаркі Рэспублікі Беларусь[1].
4 снежня 2009 вызвалены ад пасады міністра лясной гаспадаркі (у сувязі з выхадам у адстаўку)[2].