У Вікіпедыі ёсць артыкулы пра іншых асоб з прозвішчам Савачкін. Пётр Захаравіч Савачкін (11 чэрвеня 1911, в. Родзіна, Лёзненскі раён, Віцебская вобласць — 13 лістапада 1975) — беларускі гісторык, дэкан гістарычнага факультэта БДУ (1955—1973).
Скончыў Віцебскае педагагічнае вучылішча (1931), працаваў настаўнікам. У 1935 паступіў на гістарычны факультэт БДУ, які скончыў у 1940 з адзнакай. У 1940—1946 служыў у Чырвонай Арміі, з 22.6.1941 па май 1945 у дзеючай арміі на розных франтах. Служыў у разведцы[1].
У 1946 дэмабілізаваны, паступіў у аспірантуру БДУ па кафедры гісторыі СССР, дзе вучыўся да 1949 г. У 1949—1955 працаваў старшым выкладчыкам кафедры гісторыі СССР, у 1953 абараніў кандыдацкую дысертацыю. У 1950—1955 працаваў загадчыкам кафедры, намеснікам дырэктара па вучэбнай і навуковай рабоце Мінскай школы прафруху ВЦСПС, сумяшчаючы з выкладчыцкай працай у БДУ. У 1955 быў прызначаны дэканам гістарычнага факультэта БДУ, неаднаразова перавыбіраўся на гэту пасаду. Адначасова з’яўляўся загадчыкам кафедры гісторыі СССР. Пакінуў пасаду дэкана 1 мая 1973 г.
Кірункі навуковай дзейнасці: устанаўленне савецкай улады ў заходнім абласцях Беларусі.
Быў жанаты, меў трох дачок: Наталлю, Алену і Ірыну.