Пячатка епіскапа Дыянісія — віслая імянная пячатка полацкага епіскапа Дыянісія (пам. у 1183 годзе), знойдзеная ў 1954 годзе ў Ноўгарадзе.
На адным боку пячаткі выява Маці Божай Аранты — традыцыйная эмблема царквы[1]. Але калі на пячатцы аднаго з папярэднікаў Дыянісія, полацкага епіскапа Міны, дамінавала выява тэзаіменнага святога Міны, то на пячатцы Дыянісія — выява Багародзіцы, што, верагодна, сведчыць пра павышэнне палітычнага статусу епіскапа ў Полацку[2]. На іншым боку грэчаскі надпіс «SjragiV Duonisiou episkopou Pulotzhskou», г.зн. «Пячатка Дыянісія, епіскапа Полацка»[3].