Пыталаўскі раён (руск.: Пыта́ловский райо́н) — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) на захадзе Пскоўскай вобласці Расіі. Адміністрацыйны цэнтр — горад Пыталава.
Плошча — 1111 км². Мяжуе на поўначы і паўночным усходзе з Остраўскім і Палкінскім, на паўднёвым усходзе — з Краснагародскім раёнамі Пскоўскай вобласці Расіі; на захадзе — з Вілякскім і Балцінаўскім, на паўднёвым захадзе — з Карсаўскім краямі Латвіі.
Асноўныя рэкі — Кір, Веда, Трасцянка, Кухва, Утроя, Лжа, Лада.