«Псіхасаматыка» — чацвёрты сольны музычны альбом Лявона Вольскага. Альбом з дзвюх канцэптуальных частак быў запісаны з нарвежскім саўндпрадзюсарам Снорэ Бергерудам. Псіхасаматыка стала даступнай для слухачоў 15 лістапада 2016 на сайце выканаўцы. Прэзентацыя адбылася 3 снежня 2016 у віленскім клубе Loftas.
У “Псіхасаматыцы” 16 кампазіцый, разбітых на дзве паловы. Першая палова аб’яднана назвай «Горад» і з’яўляецца больш рокавай, сацыяльнай, бескампраміснай. Другая частка — «Лес» — больш асабістая, лірычная, бадай, бардаўская. Абедзьве паловы плыткі пачынаюцца з песні «Гэй!», дакладней, дзвюх розных тэкстаў, пакладзеных на адну музыку. Нечаканым для Вольскага хітом альбома стала песня «Жорны». На песню «Цёплае мінулае» ў 2016 і «Спявайце» ў 2017 былі зняты відэакліпы, прычым, у здымках апошняга паўдзельнічала мноства зорак беларускага і нават украінскага року.
Альбом — першая маштабная праца Вольскага, выпушчаная пасля смерці жонкі і прадзюсара Ганны — прасякнуты сумам і адзінотай, асабліва ягоная другая палова.
Дыск 1. Горад
№ | Назва | Працягласць | |||||||
---|---|---|---|---|---|---|---|---|---|
1. | «Гэй! (Горад)» | 2:57 | |||||||
2. | «Радзiма нарадзiла» | 1:57 | |||||||
3. | «Спявайце» | 1:55 | |||||||
4. | «Найлепшы для жыцця» | 2:29 | |||||||
5. | «Няма калi» | 3:06 | |||||||
6. | «Жорны» | 2:35 | |||||||
7. | «Скончылася шоў» | 1:40 | |||||||
8. | «Дай мне нагоду» | 2:19 | |||||||
18:58 |
Дыск 2. Лес
№ | Назва | Працягласць | |||||||
---|---|---|---|---|---|---|---|---|---|
1. | «Гэй! (Лес)» | 3:18 | |||||||
2. | «Iдзi i глядзi» | 2:07 | |||||||
3. | «Дом» | 2:42 | |||||||
4. | «Чорны квадрат» | 3:18 | |||||||
5. | «На вайне» | 2:37 | |||||||
6. | «Цёплае мінулае» | 3:44 | |||||||
7. | «Чалавек Нiхто» | 2:28 | |||||||
8. | «Мне трэба ісці» | 2:49 | |||||||
23:03 |
Аўтар музыкі і слоў усіх песень — Лявон Вольскі.
Альбом “змяшчае так шмат, а пралятае так хутка: «Горад» на ўдых, «Лес» на выдых. Такі надзвычай удалы фармат быў бы немагчымым без “схемы Бергеруда” – поўнай адмовы ад сола і брыджаў, імкнення да максімальнай лаканічнасці; усяго чатыры песні тут не змясціліся ў троххвілінны хранаметраж… «Псіхасаматыка», нават разбітая на палоўкі, гучыць цэльна.” — піша музычны крытык Мікалай Янкойць на сайце Experty.by[1].