Гл. таксама: Прыбалтыйскі фронт (значэнні)
Прыбалты́йскі фронт (10 — 20 кастрычніка 1943 года) — фронт РСЧА падчас Вялікай Айчыннай вайны, які дзейнічаў на прыбалтыйскім кірунку.
Утвораны 10 кастрычніка 1943 года на паўночна-заходнім напрамку на падставе дырэктывы Стаўкі ВГК ад 1 кастрычніка 1943 года на базе палявога ўпраўлення Бранскага фронту (3-га фарміравання).
Асноўнай задачай фронту была падрыхтоўка наступу для разгрому нямецкай групы армій «Поўнач».
20 кастрычніка 1943 года на падставе загаду Стаўкі ВГК ад 16 кастрычніка 1943 года фронт перайменаваны ў 2-і Прыбалтыйскі фронт.