У гэтага паняцця ёсць і іншыя значэнні, гл. Прусак (значэнні). Прусак, таксама Таракан рыжы[1] (Blattella germanica) — нялётнае насякомае сямейства тараканавыя, шырока распаўсюджаны сінантропны арганізм. Вядзе пераважна начны спосаб жыцця. Можа пашкоджваць харчовыя прадукты і пакаёвыя расліны.
Радзімай таракана з’яўляецца паўднёвая Азія, у XVIII стагоддзі ён быў завезены ў Еўропу і Паўночную Амерыку, дзе шырока размножыўся ў селішчах чалавека. Пры паніжэнні тэмпературы ніжэй −5 ° прусак гіне, таму ў халодным паўночным клімаце ён можа жыць толькі ў дамах з ацяпленнем.