У гэтага паняцця ёсць і іншыя значэнні, гл. Прорва (значэнні).
Про́рва — рака ў Браслаўскім раёне Віцебскай вобласці, левы прыток ракі Дрысвята (басейн Заходняй Дзвіны).
Даўжыня ракі 12 км. Плошча вадазбору 716 км². Выцякае з возера Дрысвяты каля вёскі Дрысвяты, цячэ праз азёры Ставок і Аболе, вусце за 0,5 км на паўднёвы захад ад вёскі Абалікшты. Рэчышча слабазвілістае. Паміж азёрамі Ставок і Аболе на рацэ ў 1953 годзе пабудавана міжкалгасная ГЭС «Дружба народаў» (выток ракі Дрысвята з возера Дрысвяты быў перагароджаны дамбай і ўвесь сцёк з басейна возера пайшоў на раку Прорва праз турбіны ГЭС).
У басейне ракі возера Пеліканы.