«Пра цела і душу» (венг.: Testről és lélekről) — венгерскі драматычны фільм 2017 года рэжысёркі Ільдзіка Эньедзі[en]. Галоўныя ролі выканалі Геза Морчані[en] і Аляксандра Борбей[en][4].
Эндрэ і Марыя працуюць разам на бойні. Эндрэ, фінансавы дырэктар вялікага прадпрыемства, мае фізічны дэфект, а Марыя, педантычны інспектар па якасці, пакутуе на расстройства аўтыстычнага спектру. У ходзе расследавання крадзяжу прэпарата на фабрыцы праводзіцца псіхалагічнае даследаванне ўсіх супрацоўнікаў, і галоўныя героі фільма выпадкова даведваюцца, што ім сніцца адзін і той жа сон, дзе яны сустракаюцца ў лесе ў вобразе закаханых аленяў. Сон дапамагае Эндрэ і Марыі знайсці шлях адзін да аднаго ў рэальным жыцці, хоць гісторыя развіцця іх узаемаадносін ледзь не сканчваецца катастрофай.
Паводле інфармацыі сайта «Internet Movie Database» фільм быў адзначаны 17 кінаўзнагародамі і яшчэ 19 намінацыямі[5].