У Вікіпедыі ёсць артыкулы пра іншых асоб з прозвішчам Хантэр.
Пол Алан Хантэр (англ.: Paul Alan Hunter; 14 кастрычніка 1978, Лідс, Англія — 9 кастрычніка 2006, Хадэрсфілд) — англійскі прафесійны гулец у снукер. За знешнасць і яркі стыль яго празвалі «Бекхэм сукна» («англ.: Beckham of the Baize»).
Хантэр тройчы выйграваў Мастэрс ў 2001, 2002 і 2004 гадах. Акрамя таго быў пераможцам трох рэйтынгавых турніраў: двойчы адкрытага чэмпіянату Уэльса (1998, 2002) і адкрытага чэмпіянату Брытаніі ў 2002 годзе. За сваю кар’еру аформіў 114 сэнчуры-брэйкаў, у тым ліку яго вышэйшы брэйк - 146 ачкоў, зроблены ў прэм’ер-лізе ў 2004 годзе.
У сакавіку 2005 года ў Пола Хантэра выявілі шматлікія нейраэндакрынныя пухліны страўніка. Ён памёр у 2006 годзе, за 5 дзён да свайго 28-годдзя.