Повіс (вал.: Powys) — самае вялікае графства ў складзе Уэльса.
Графства названа ў гонар старажытнага, некалі існаваўшага на гэтых землях, Каралеўства Повіс, якое займала цэнтральную тэрыторыю Паўднёвай Брытаніі і якое праіснавала да сярэдзіны XIII стагоддзя.
Вялікую частку зямель графства займаюць горы.
Большасць насельніцтва жыве ў невялікіх вёсках і гарадах. Самым буйным горадам з’яўляецца Ньютаўн, з насельніцтвам 12 783 (2001).
Ледзь меней траціны жыхароў валодаюць валійскай мовай, у асноўным гэта жыхары сельскіх і прамысловых раёнаў.
Повіс мяжуе з графствамі Гвінед, Дэнбішыр і Рэксем на поўначы, Керэдыгіён і Кармартэншыр на захадзе, Ніт-Порт-Толбат, Ронта-Кінан-Тав, Мерцір-Цідвіл, Кайрфілі, Блайнай-Гвент і Манмутшыр на поўдні.