Петэр Парлер (ням.: Peter Parler, лац.: Petrus de Gemunden in Suevia), Петр Парлерж (чэш.: Petr Parléř) (каля 1330, Швебіш Гмюнд — 13 ліпеня 1399, Прага) — архітэктар, найбольш вядомы як стваральнік Карлава моста і кіраўнік (з 1352 да сваёй смерці) будаўніцтва сабора святога Віта.
Петэр Парлер быў прадстаўніком архітэктарскай дынастыі Парлераў, сынам Генрыха Парлера Старэйшага і айцом Венцэля (Вацлава) і Іагана (Яна) Парлераў.
У 1988 чэшскі астраном Антанін Мркос назваў у гонар Петэра Парлера астэроід 6550 Парлер.