wd wp Пошук:

Першая Цвярская-Ямская вуліца

Першая Цвярская-Ямская вуліца — вуліца ў Цэнтральнай адміністрацыйнай акрузе горада Масквы на тэрыторыі раёна «Цвярскі». Вуліца пачынаецца ад Трыўмфальнай плошчы і ідзе да плошчы Цвярская Застава.

Гісторыя

Цвярская ямская слабада займала вялікую прастору з абодвух бакоў ад Цвярской дарогі, фурманы (руск.: ямщики) забяспечвалі перавозку пошты, пасажыраў і грузаў спачатку па тракце Масква-Цвер, потым Масква-Санкт-Пецярбург. Слабада захоўвала свой ​​характар ​​да другой паловы XIX стагоддзя, але пасля будаўніцтва ў 1870 Смаленскага (цяпер Беларускага) вакзала пачалася актыўная забудова Цвярской-Ямской вуліцы. У 1872 годзе па ёй пусцілі конку, а ў пачатку XX стагоддзя — трамвай.

На скрыжаванні Першай Цвярской-Ямской вуліцы з сучаснай вуліцай Юліуса Фучыка знаходзілася пабудаваная выдатным архітэктарам Ф. А. Шэхтэлем у 1890—1902 гадах Мікольская капліца ў памяць пра дзень шлюбу імператара Мікалая II і імператрыцы Аляксандры Фёдараўны ў імя Мікалая Цудатворца пры храме Васіля Кесарыйскага (не захавалася).

У 1932 году Першая Цвярская-Ямская вуліца была аб’яднаная з Цвярской пад агульнай назвай — вуліца Горкага ў гонар пісьменніка А. М. Горкага. У 1990 годзе вуліцы вярнулі гістарычную назву.

Тэмы гэтай старонкі (3):
Катэгорыя·Вуліцы Масквы
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Вуліцы паводле алфавіта