wd wp Пошук: ⬜

Перцавы грыб

Пе́рцавы грыб, благушка[1] (Suillus piperatus) — шапкавы базідыяльны грыб сямейства Балетавыя (Boletaceae).

Апісанне

Пладовае цела грыба — шапка на ножцы. Шапка дыяметрам 3—6[1] см, пляската-пукатая, гладкая, ліпкая, жоўта-маркоўна-бурая. Мякаць шчыльная, тонкая, бура-жоўтая, перцава-горкая, злёгку чырванее на зломе. Трубачкі прырослыя або зыходныя, жоўта-карычневыя або ржава-бурыя з шырокімі порамі. Ножка цыліндрычная, даўжынёй 4—7[1] см і дыяметрам 0,3—1[1] см, гладкая, суцэльная, каля асновы звужаная, святлейшая за шапку. Споры верацёнападобныя, гладкія, жоўта-бурыя.

Экалогія і распаўсюджванне

Пашыраны ў Паўночным паўшар’і. На тэрыторыі Беларусі трапляецца з ліпеня па верасень пераважна ў сухіх хвойных лясах.

Неядомы грыб.

Зноскі

1 2 3 4 Сержанина Г. И., Змитрович И. И. Макромицеты. Иллюстрированное пособие для биологов / Под ред. Н. А. Дорожкина. — Мн.: Вышэйшая школа, 1978. — С. 61. — 192 с. — 60 000 экз.

Літаратура

Перцавы грыб // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1985. — 599 с., іл. — 10 000 экз. — С. 176.
Перцавы грыб // Беларуская ССР: Кароткая энцыклапедыя. Т. 2. — Мн.: БелСЭ. 1979.
Перцавы грыб // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 12: Палікрат — Праметэй. — 576 с. — 10 000 экз. — ISBN 985-11-0198-2 (т. 12), ISBN 985-11-0035-8.
Сержанина Г. И., Змитрович И. И. Макромицеты. Иллюстрированное пособие для биологов / Под ред. Н. А. Дорожкина. — Мн.: Вышэйшая школа, 1978. — С. 61. — 192 с. — 60 000 экз.(руск.)