Паўночны Сулавесі
Паўночны Сулаве́сі (індан.: Sulawesi Utara) — правінцыя на поўначым захадзе вострава Сулавесі ў Інданезіі. Плошча - 13 851,64 км². Насельніцтва (2014 г.) - 2 382 941 чал. Адміністрацыйны цэнтр — Манада.
Геаграфія і прырода
Правінцыя Паўночны Сулавесі размешчана на паўвостраве, акружаным морам Сулавесі і залівам Таміні. Для яго характэрны пагорыстыя і горныя ландшафты вулканічнага паходжання. Тут шмат імклівых рэк і адносна невялікіх азёр. На схілах гор захаваліся першародныя лясы. На поўначы і паўночным захадзе правінцыі знаходзяцца ланцугі астравоў вулканічнага і каралавага паходжання з багатай фаўнай падводных рыфаў.
Клімат субэкватарыяльны пасатны. З лістапада да мая цягнецца сезон мусонаў. Сярэднія тэмпературы на ўзбярэжжы вагаюцца ад 25 °C да 28 °C. Пры ўздыме наверх у гарах тэмпература паніжаецца на 1 °C кожныя 200 м.
Эканоміка
Традыцыйнымі галінамі эканомікі Паўночнага Сулавесі з’яўляюцца сельская гаспадарка, гандаль і рыбалоўства. У сельскай гаспадарцы дамінуюць такія таварныя культуры, як кава, бульба, кукуруза і какосавая пальма. Бульба з Паўночнага Сулавесі добра вядома сваёй якасцю ў іншых землях Інданезіі. Прамысловасць заснавана на перапрацоўцы нафты, вытворчасці харчу, будаўнічых матэрыялаў, дэталяў для радыёапаратуры, мэблі, здабычы золата. Імкліва развіваецца турызм.
Спасылкі
На Вікісховішчы ёсць медыяфайлы па тэме Паўночны Сулавесі- Pemerintah Provinsi Sulawesi Utara
- Economy & Business Архівавана 27 верасня 2014.
- NORTH SULAWESI INFORMATION PAGES
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Артыкулы са спасылкамі на элементы Вікідадзеных без беларускага подпісу
Катэгорыя·Вікіпедыя·Артыкулы з вікі-разметкай у малюнку карткі
Катэгорыя·Правінцыі Інданезіі
Катэгорыя·Сулавесі (востраў)