Паўно́чна-захо́дняе аператы́ўнае кама́ндаванне — аператыўнае аб’яднанне Сухапутных войскаў Узброеных Сіл Рэспублікі Беларусь у паўночна-заходняй частцы тэрыторыі Беларусі, створанае ў 2001 годзе на базе 65-га армейскага корпуса.
Пасля таго, як Беларусь атрымала незалежнасць, на базе Беларускай ваеннай акругі былі створаны нацыянальныя Узброеныя сілы Рэспублікі Беларусь. У 1993 годзе 7-я танкавая армія была ператворана ў 7-ы армейскі корпус, які ў 1994 годзе быў перайменаваны ў 65-ы армейскі корпус, а у 2001 годзе — у Паўночна-заходняе аператыўнае камандаванне.