Паўднёвы канал (фр.: Canal du Midi) — суднаходны канал на поўдні Францыі, які злучае порт Бардо на Атлантычным акіяне з портам Сет на Міжземным моры.
Пачынаецца ад ракі Гарона ў горадзе Тулуза, праходзіць праз парог Наруз, які падзяляе адгор’і Цэнтральнага Французскага масіва і Пірэнеяў, па далінах рэк Эр і Фрэскель да гарадоў Каркасона і Без’е і далей да горада Сет. Пабудаваны ў 1666—1681 гг. Агульная даўжыня 241 км. 65 шлюзаў.