Патомак[2] (англ.: Potomac River) — рака на ўсходзе ЗША, якая ўпадае ў Атлантычны акіян. Назва паходзіць ад наймення індзейцаў патавомек, якія насялялі яе берагі ў XVII ст.
Даўжыня ад вытока Паўднёвага — 590 км, з эстуарыем 780 км. (Даўжыня каля 617 км (па іншай ацэнцы каля 460 км)).
Плошча басейна парадку 38 тыс. км ² — па гэтым параметры Патомак займае сярод атлантычных рэк ЗША чацвёртае месца, сярод усіх рэк краіны — 21-е месца. Вашынгтон, сталіца ЗША, стаіць на паўночным беразе Патомака.