Пармелія (Parmelia) — род ліставатых лішайнікаў сямейства пармеліевых.
Слаявіна ліставатая. Зверху жаўтавата-зеленаватая, шэрая, зялёна-бурая, з сарэдыямі, радзей з пладовымі целамі (апатэцыямі), знізу белая, карычневая ці чорная, прымацаваная да субстрату. Споры па 8 у сумцы, бясколерныя, аднаклетачныя. Фотабіёнт — водарасць з роду трэбуксія (Trebouxia).
Род аб’ядноўвае 10 відаў. Пашыраны ўсюды, на Беларусі сустракаюцца пармелія баразнаватая (Parmelia sulcata) і пармелія скальная (Parmelia saxatilis). Трапляюцца ў лясах на ствалах дрэў, валунах.
Выкарыстоўваюцца для атрымання антыбіётыкаў.