wd wp Пошук: ⬜

Пакахонтас

У гэтага паняцця ёсць і іншыя значэнні, гл. Пакахонтас (значэнні).

Покахонтас (каля 1595, Вірджынія — 21 сакавіка 1617, Грэйвсенд) — мянушка індзейскай прынцэсы Матаака, дадзеная ёй бацькам Паўхатанам — правадыром індзейскага племя паўхатанаў, якое жыло на тэрыторыі сучаснай Віргініі. Мянушка перакладаецца як «маленькая гарэза» (англ.: Little Wanton).

Біяграфія

У 1607 г. Пакахонтас выратавала англійскага капітана Джона Сміта ад смерці (ён быў захоплены індзейцамі ў час пошукаў крыніц пражытка для Джэймстаўна — калоніі ў Чэсапікскім заліве). Паводле легенды, калі індзейцы збіраліся раздрабніць Сміту чэрап, яна закрыла яго галаву сваёй, і тыя адступілі, не асмеліўшыся нашкодзіць дачцы правадыра. Сярод сучасных гісторыкаў існуе кансэнсус, што гэта гісторыя, расказаная самім Джонам Смітам, не адпавядае рэчаіснасці.

Пазней яна выйшла замуж за пасяленца Джона Рольфа, што гарантавала мірнае суіснаванне паміж індзейцамі і каланістамі. У 1616 г. Пакахонтас пераехала з мужам у Англію. У Англіі яна стала знакамітасцю, была нават прадстаўлена да двара. Неўзабаве заразілася воспай і сканала 21 сакавіка 1617 г. ва ўзросце 22 гадоў. Пакахонтас пахавалі ў капліцы прыхадской царквы гарадка Грэйвсенд, Англія.

Ад Томаса Рольфа, сына Джона Рольфа і Пакахонтас, паходзіць шэраг знатных сямействаў Вірджыніі.

У кіно

«Пакахонтас» — амерыканскі мультфільм 1995 года.
«Пакахонтас 2: Падарожжа ў Новы Свет» — амерыканскі мультфільм 1998 года.
«Новы Свет» — фільм 2005 года.

Зноскі

↑ https://www.nps.gov/jame/learn/historyculture/pocahontas-her-life-and-legend.htm Праверана 14 сакавіка 2018.
↑ Encyclopædia Britannica Праверана 5 сакавіка 2020.
↑ Library of Congress Library of Congress Name Authority File Праверана 5 сакавіка 2020.

Літаратура

Barbour, Philip L. Pocahontas and Her World. — Boston: Houghton Mifflin Company, 1970. — ISBN 0-7091-2188-1.

Спасылкі

На Вікісховішчы ёсць медыяфайлы па тэме Пакахонтас
Рэальная Пакахонтас
Chief Roy Crazy Horse. ‘The Pocahontas Myth’. Ranokus Indian Reservation. Архівавана 5 ліпеня 2013.
‘Pocahontas’. Virginia Places.
Pocohantas Encyclopaedia Britannica
Virginia Historical Society. ‘Contact and Conflict’. The Story of Virginia: An American Experience. Архівавана 18 лістапада 2005.
Virginia Historical Society. ‘The Anglo-Powhatan Wars’. The Story of Virginia: An American Experience.