Падзільскі раён[1] (укр.: Подільський район), да 2016 года — Катоўскі раён[1] (укр.: Котовський район) — адміністрацыйная адзінка ў складзе Адэскай вобласці Украіны. Адміністрацыйны цэнтр — Падзільск[1] (укр.: Подільськ).
Утвораны ў 1923 годзе. Насельніцтва раёна на 1 лютага 2015 года складае 27687 чалавек, плошча — 1037 км².
12 мая 2016 года Вярхоўная Рада Украіны ў рамках дэкамунізацыі прыняла пастанову аб перайменаванні Катоўскага раёна ў Падзільскі раён[2].
Тэрыторыя раёна адміністрацыйна складаецца з 18 сельскіх саветаў.
На тэрыторыі раёна размешчаны 2 пасёлкі сельскага тыпу і 59 сёлаў.