Паго́шчанскі сельсавет — былая адміністрацыйна-тэрытарыяльная адзінка ў складзе Браслаўскага раёна Маладзечанскай вобласці. Цэнтр — вёска Пагошча.
Утвораны 12 кастрычніка 1940 года як Залескі сельсавет у складзе Браслаўскага раёна Вілейскай вобласці БССР. Цэнтр — вёска Залессе. З 20 верасня 1944 года ў складзе Полацкай вобласці, з 8 студзеня 1954 года — Маладзечанскай вобласці. 16 ліпеня 1954 года перайменаваны ў Пагошчанскі сельсавет, цэнтр перанесены ў вёску Пагошча[1]. 27 сакавіка 1959 года скасаваны, тэрыторыя далучана да Опсаўскага сельсавета[2].