Паві́ццеўскі сельсавет — адміністрацыйна-тэрытарыяльная адзінка ў складзе Кобрынскага раёна Брэсцкай вобласці. Цэнтр і адзіны населены пункт — аграгарадок (да 2011 г. вёска) Павіцце.
Утвораны 12 кастрычніка 1940 года ў складзе Дзівінскага раёна Брэсцкай вобласці БССР. 16 ліпеня 1954 года да сельсавета далучана тэрыторыя скасаванага Лелікаўскага сельсавета[1]. З 8 жніўня 1959 года ў складзе Кобрынскага раёна. 21 студзеня 1961 года ў склад Дзівінскага сельсавета перададзены вёскі Лелікава і Замосце[2]. У 1970 годзе скасавана вёска Травы (злілася з вёскай Павіцце)[3].
Насельніцтва сельсавета паводле перапісу 2009 года — 1528 чалавек[4], з іх 96,0 % — беларусы[5].