Павел Маркавіч Трасучаў (нар. 3 ліпеня 1938, г. Томск, Расія) — урач-анатом. Доктар медыцынскіх навук (1986), прафесар (1987).
Скончыў Новасібірскі дзяржаўны медыцынскі інстытут (1961; аспірантура, 1964).
Працаваў у Новасібірскім дзяржаўным медыцынскім інстытуце (1964—1987, прафесар кафедры нармальнай анатоміі), Віцебскім дзяржаўным медыцынскім універсітэце (з 1987, прафесар кафедры анатоміі чалавека, у 1987—1997 — загадчык кафедры).
Навуковыя інтарэсы: функцыянальная анатомія лімфатычных вузлоў; педагогіка вышэйшай школы; укараненне рэнтгенанатоміі ў вучэбны працэс.
Нагрудны знак «Выдатніку аховы здароўя» і інш.