wd wp Пошук: ⬜

Павел Алегавіч Лойка

У Вікіпедыі ёсць артыкулы пра іншых асоб з прозвішчам Лойка. Павел Алегавіч Лойка (12 ліпеня 1958, Слонім — 22 кастрычніка 2010 [2]) — беларускі гісторык, кандыдат гістарычных навук (1984). Сын пісьменніка Алега Лойкі.

Біяграфія

Сын беларускага філолага і пісьменніка Алега Лойкі. Скончыў гістарычны факультэт БДУ (1980[3]). З 1983 года супрацоўнік, у 1990—2000 гадах — загадчык аддзела гісторыі Беларусі XIII—XVIII стст. Інстытута гісторыі НАН Беларусі.

Адначасова ў 1994—2006 гадах загадчык кафедры гісторыі Беларусі старажытнага часу і сярэдніх вякоў гістарычнага факультэта БДУ. У 2006—2010 гадах дацэнт кафедры. Выкладаў гісторыю Беларусі ў Беларускім гуманітарным ліцэі.

Даследаваў праблемы дзяржаўна-палітычнага развіцця Вялікага Княства Літоўскага ў XVI ст., аграрную гісторыю Беларусі XVI—XVIII стст.

Працы

Друкаваўся з 1982 года ў Беларусі, Расіі, Польшчы, Германіі. Адзін з аўтараў, рэдактараў і складальнікаў школьных падручнікаў, навуковых зборнікаў і манаграфій па гісторыі.

Паўстанне сялян пад кіраўніцтвам Вашчылы. Мінск, 1988 (у сааўтарстве з Васілём Мялешкам).
Прыватнаўласніцкія сяляне Беларусі. Эвалюцыя феадальнай рэнты ў другой палове XVI—XVIII стст. Мінск, 1991.
І ўзняўся люд просты. Мінск, 1992 (у сааўтарстве з Васілём Мялешкам).
Шляхта беларускіх зямель у грамадска-палітычным жыцці Рэчы Паспалітай другой паловы ХVI — першай трэці ХVII ст. Мінск: БДУ, 2002.

Зноскі

1 2 (unspecified title) Праверана 19 снежня 2021.
↑ Памёр гісторык Павел Лойка // «Наша Ніва», 22 кастрычніка 2010.
↑ ЭнцВКЛ, 2005

Літаратура

Варонін В. Павел Лойка (12.07.1958 — 22.10.2010) // Беларускі гістарычны агляд. 2010, Т. 17, Сш. 1-2.
Лойка Павел Алегавіч // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 217. — 792 с. — ISBN 985-11-0378-0 (т. 2), ISBN 985-11-0315-2.
Сосна У. А. Памяці гісторыка-медыявіста Паўла Алегавіча Лойкі (12.07.1958-22.10.2010). Беларускія сяляне і шляхта ў даследаваннях Паўла Лойкі / У. А. Сосна // Studia Historica Europae Orientalis = Исследования по истории Восточной Европы: науч. сб. Вып. 3. — Мн.: РИВШ, 2010.
Падалінскі У. А., Дзянісава А. Р. Гісторыя Беларусі перыяду Сярэднявечча і ранняга Новага Часу ў даследаваннях Паўла Лойкі (1958—2010)(недаступная спасылка) // Журнал Белорусского государственного университета. История. № 3, 2018. — С. 110—119.