У Вікіпедыі ёсць артыкулы пра іншых асоб з прозвішчам Лойка. Павел Алегавіч Лойка (12 ліпеня 1958, Слонім — 22 кастрычніка 2010[2]) — беларускі гісторык, кандыдат гістарычных навук (1984). Сын пісьменніка Алега Лойкі.
Сын беларускага філолага і пісьменніка Алега Лойкі. Скончыў гістарычны факультэт БДУ (1980[3]). З 1983 года супрацоўнік, у 1990—2000 гадах — загадчык аддзела гісторыі Беларусі XIII—XVIII стст. Інстытута гісторыі НАН Беларусі.
Адначасова ў 1994—2006 гадах загадчык кафедры гісторыі Беларусі старажытнага часу і сярэдніх вякоў гістарычнага факультэта БДУ. У 2006—2010 гадах дацэнт кафедры. Выкладаў гісторыю Беларусі ў Беларускім гуманітарным ліцэі.
Даследаваў праблемы дзяржаўна-палітычнага развіцця Вялікага Княства Літоўскага ў XVI ст., аграрную гісторыю Беларусі XVI—XVIII стст.
Друкаваўся з 1982 года ў Беларусі, Расіі, Польшчы, Германіі. Адзін з аўтараў, рэдактараў і складальнікаў школьных падручнікаў, навуковых зборнікаў і манаграфій па гісторыі.