Отэпя[3] (эст.: Otepää, раней эст.: Nuustaku) — унутрываласны горад у Эстоніі, у павеце Валгамаа, адміністрацыйны цэнтр воласці Отэпя. Вядомы як міжнародны цэнтр зімовага спорту і турызму, дзе часам праходзяць адборачныя туры чэмпіянатаў Еўропы і этапы кубка свету. З 1996 года Отэпя носіць неафіцыйны тытул «зімовай сталіцы» Эстоніі (у адрозненне ад Пярну — «летняй сталіцы» краіны). У Отэпя знаходзіцца спартыўны цэнтр «Tehvandi Sports Center» (Tehvandi Spodikeskus), дзе рэгулярна праходзяць спартыўныя мерапрыемствы: у прыватнасці, у 2010 і 2015 гадах горад стаў месцам правядзення чэмпіянату Еўропы па біятлоне. Замак Одэнпэ. Музей эстонскага сцяга.