Осрблье (славацк.: Osrblie) — вёска раёна Брэзна Банскабыстрыцкага краю Славакіі, размешчаная ў горным масіве Паляна ў 9 км ад горада Брэзна. Вышыня над узроўнем мора — 580 м, Осрблье акружана гарамі вышынёй у 1000 — 1100 м.
Вёска вядомая тым, што тут праводзяцца этапы Кубка свету па біятлоне, у 1997 годзе тут праводзіўся чэмпіянат свету па біятлоне (спартыўны арэал знаходзіцца ў 500 м на захадзе ад вёскі і быў абсталяваны ў 1981 годзе).