У Вікіпедыі ёсць артыкулы пра іншых асоб з прозвішчам Дален. Нільс Густаў Дален (шведск.: Nils Gustaf Dalén; 30 лістапада 1869, Стэнсторп, Швецыя — 9 снежня 1937, Лідынге, Швецыя) — шведскі вынаходнік, заснавальнік кампаніі AGA, лаўрэат Нобелеўскай прэміі па фізіцы(1912) «за вынаходніцтва аўтаматычных рэгулятараў, якія выкарыстоўваюцца ў спалучэнні з газавымі акумулятарамі для крыніц святла на маяках і буях».
Дален атрымаў ступені магістра і доктара ў Чалмерскім тэхналагічным універсітэце. Самым вядомым вынаходствам Далена з’яўляецца сонечны клапан, які зрабіў магчымымі маякі кампаніі AGA. У 1912 г. Дален аслеп у выніку выбуху газу. У той жа год яму прысудзілі Нобелеўскую прэмію па фізіцы. Гэта спарадзіла чуткі аб тым, што прэмія часткова была прысвоена са спагады.
Нягледзячы на слепату Дален заставаўся на чале AGA да 1937 года.