wd wp Пошук: ⬜

Новы урбанізм

Новы урбанізм (англ.: New Urbanism) — рух у гарадскім праектаванні, скіраваны на адраджэнне кампактных «пешаходных» гарадоў і раёнаў і адмову ад фармату прыгарадаў. Рух узнік у 1980-х гадах у ЗША, першым прыкладам стаў невялікі горад Сісайд у Фларыдзе.

Насуперак канцэпцыі выключна жылога прыгарада, адкуль насельнікі выбіраюцца на працу аўтамабілямі, новы урбанізм імкнецца збіраць у рамках аднага раёна жытло розных тыпаў, офісы і крамы, арганізуючы іх у паселішча традыцыйнай планіроўкі з ясна вылучаным цэнтрам. Сярод транспартных сродкаў асобная ўвага надаецца цягнікам[1]. Для новага урбанізму характэрная таксама арыентацыя на тыповую для краіны і мясцовасці архітэктуру.

Вядомыя ўзоры

Еўропа

• Паўндберы, Вялікабрытанія, праект, які пачаўся ў канцы 1980-х пад патранажам прынца Чарльза.
• Коэд Дарсі, Вялікабрытанія
• Якрыбарг, Швецыя

Амерыка

• Сісайд, Фларыда
• Селебрэйшн, Фларыда

Гл. таксама

• Трэцяе месца

Зноскі

1. ↑ http://www.newurbanism.org/newurbanism/principles.html

Тэмы гэтай старонкі (1):
Катэгорыя·Гарадское праектаванне