Несторый (грэч.: Νεστόριος; пасля 381, Германікія, Сірыя, Рымская імперыя — каля 451, аазіс Ібіса, Егіпет, Рымская імперыя) — вядомы царкоўны дзеяч, прадстаўнік Антыяхійскай багаслоўскай школы; архіепіскап Канстанцінопальскі у 428—431, меркаваны аўтар адной з трох літургій усходне-сірыйскага абраду. Заснавальнік плыні ў хрысціянстве — нестарыянства, асуджанага як ерась на Эфескім (Трэцім Сусветным) саборы ў 431 годзе. Быў у ліку запрошаных удзельнікаў Халкідонскага сабору[4] У Асірыйскай Царкве Усходу шануецца як святы ў ліку «грэчаскіх настаўнікаў» (malpānē yawnāyē) Царквы.[5]