Навум Аронавіч Бірг (руск.: Наум Аронович Бирг; 9 лістапада 1927, Старобін Мінскай вобласці — 29 чэрвеня 2008, Чэбаксары) — савецкі тэрапеўт. Доктар медыцынскіх навук, прафесар (1985).
Скончыў Мінскі медыцынскі інстытут (1950). Працаваў участковым урачом, ардынатарам, загадчыкам тэрапеўтычнага аддзялення Рэспубліканскай бальніцы Чувашскай АССР (1951—1971). З 1987 г. — прафесар кафедры ўнутраных хвароб Чувашскага дзяржаўнага ўніверсітэта.
Доктарскую дысертацыю абараніў у 1984 годзе на тэму «Гастродуоденальные язвы и неспецифические заболевания лёгких при их сочетанном течении».
Аўтар больш за 200 апублікаваных навуковых прац.