wd wp Пошук: ⬜

Міхаіл Дзмітрыевіч Прохараў

У Вікіпедыі ёсць артыкулы пра іншых асоб з прозвішчам Прохараў.

Міхаіл Дзмітрыевіч Прохараў (руск.: Михаил Дмитриевич Прохоров; нар. 3 мая 1965, Масква) — расійскі прадпрымальнік і кіраўнік, мільярдэр, прэзідэнт прыватнага інвестыцыйнага фонду Група ОНЭКСИМ, генеральны дырэктар ААТ «Полюс Золата», прэзідэнт Саюза біятланістаў Расіі. Сярод асноўных актываў, якія кантралююцца Прохаравым (на снежань 2010 года) — буйныя долі ў сыравінавых кампаніях UC Rusal, «Полюс Золата», «Интергео», энергетычнай кампаніі «Квадро» і інш.

Па стане на пачатак 2009 года — самы багаты чалавек у Расіі, па стане на 2010 год — другое месца, саступае толькі Уладзіміру Лісіну, па версіі часопіса Forbes.

Кар’ера

1989—1992 год — начальнік упраўлення Міжнароднага банка эканамічнага супрацоўніцтва (МБЭС).
1992—1993 год — старшыня праўлення акцыянернага камерцыйнага банка «Міжнародная фінансавая кампанія».
1993—1998 год — старшыня праўлення ОНЭКСИМ Банка.
1998—2000 год — прэзідэнт — старшыня праўлення ОНЭКСИМ Банка.
2000—2001 год — прэзідэнт АКБ «Росбанк».
2001—2007 год — генеральны дырэктар, старшыня праўлення ГМК «Нарыльскі нікель» (з чэрвеня 2001). У красавіку 2007 года пакінуў пасаду Генеральнага дырэктара ГМК «Нарыльскі нікель». Але на верасень 2007-га Прохараў ўсё яшчэ валодаў блакавальным пакетам «Норникеля» (25 %).
2006—2010 год — Старшыня савета дырэктараў ААТ «Полюс Золата».
З чэрвеня 2007 года — член назіральнага савета дзяржаўнай кампаніі па нанатэхналогіях «Роснанотех».
У маі 2007 года — заснаваў прыватны інвестыцыйны фонд ТАА «Група ОНЭКСИМ», прэзідэнтам якога зараз з’яўляецца.
З чэрвеня 2008 года — член Савета дырэктараў ГМК «Нарыльскі нікель».
З кастрычніка 2008 г. — прэзідэнт Саюза біятланістаў Расіі (змяніў на гэтай пасадзе Аляксандра Ціханава).
З 2010 года — уладальнік кантрольнага пакета баскетбольнага клуба New Jersey Nets лігі NBA.
Са снежня 2010 года — генеральны дырэктар ААТ «Полюс Золата».

Зноскі

↑ Mikhail Prokhorov // Encyclopædia Britannica Праверана 9 кастрычніка 2017.
↑ Michail Prochorow // Munzinger Personen Праверана 9 кастрычніка 2017.
↑ Выбар Прохарава - Люты 2012 - Часопіс – Сноб

Спасылкі

На Вікісховішчы ёсць медыяфайлы па тэме Міхаіл Дзмітрыевіч Прохараў
Сайт Міхаіла Прохарава Архівавана 20 снежня 2014.
Сайт Фонду Міхаіла Прохарава
Канал Міхаіла Прохарава на YouTube
ПАРФЕНОВ - Интервью с М. Прохоровым