У Вікіпедыі ёсць артыкулы пра іншых асоб з прозвішчам Караткевіч. Міхаіл Андрэевіч Караткевіч (нар. 1 студзеня 1940, в. Кішчына Слабада, Барысаўскі раён, Мінская вобласць) — беларускі вучоны ў галіне электраэнергетыкі. Доктар тэхнічных навук (1990), прафесар (1991).
Скончыў БПІ ў 1966 годзе. З 1966 па 1969 год працаваў у Пінскім прадпрыемстве электрычных сетках. З 1969 года ў БПА. У 1973 годзе атрымаў навуковую ступень кандыдат тэхнічных навук, у 1977 навуковае званне — дацэнт. У перыяд са жніўня 1978 года па чэрвень1980 года працаваў у Камагуэйскім універсітэце Рэспублікі Куба. Навуковыя працы па праблемах удасканалення эксплуатацыі электрычных сетак. Распрацаваў тэарэтычныя асновы ацэнкі эфектыўнасці сістэм тэхнічнага абслугоўвання і капітальнага рамонту электрасеткавага абсталявання і ліній электраперадач, прынцыпы пабудовы аўтаматызаванай сістэмы кіравання прадпрыемствам электрычных сетак.