У Вікіпедыі ёсць артыкулы пра іншых асоб з прозвішчам Маталыцкі. Міхаіл Аляксеевіч Маталыцкі (н. 11 верасня 1957, гарадскі пасёлак Гарадзея, Нясвіжскі раён, Мінская вобласць) — беларускі матэматык, доктар фізіка-матэматычных навук (1998, Сеткі масавага абслугоўвання ў стацыянарным і пераходным рэжымах), прафесар (1998).
Скончыў БДУ (1979). Працуе ў Гродзенскім дзяржаўным універсітэце. Навуковыя працы па тэорыі масавага абслугоўвання. Распрацаваў метады даследавання маркавых і адвольных сетак масавага абслугоўвання ў стацыянарным і пераходным рэжымах.