Міхаі́л Алякса́ндравіч Князю́к (нар. 1940) — беларускі савецкі гаспадарчы, дзяржаўны і палітычны дзеяч.
Скончыў Беларускі політэхнічны інстытут і ВПШ пры ЦК КПСС (завочна).
Працоўную дзейнасць пачаў на Мінскім прыборабудаўнічым заводзе. З 1967 года на партыйнай рабоце. У 1973—1975 гадах быў першым сакратаром Ленінскага райкама КПБ у Мінску. У 1975—1977 гадах быў другім сакратаром Мінскага гарадскога камітэта КПБ. У 1977—1984 гадах сакратар, другі сакратар Мінскага абкама КП Беларусі, у 1984—1985 гадах інспектар ЦК КПСС, у 1985—1990 гадах першы сакратар Іванаўскага абкама КПСС, у 1990 годзе намеснік старшыні Савета Міністраў Беларускай ССР, у 1990—1991 гадах загадчык аддзела ЦК КПБ.
Дэлегат XXVII з’езда КПСС.