У Вікіпедыі ёсць артыкулы пра іншых асоб з прозвішчам Пашкевіч. Міхась Пашкевіч (нар. 22 лютага 1986 года) — беларускі палітык і грамадскі актывіст, член Аб’яднанай грамадзянскай партыі і ўдзельнік кампаніі «Гавары праўду!».
Нарадзіўся ў Расіі, потым пераехаў з бацькамі ў Бярозу Брэсцкай вобласці[1].
У 1999 годзе стаў членам Маладога фронту, потым удзельнічаў у кампаніі «Выбірай», прымеркаванай да прэзідэнцкіх выбараў 2001 года.
Паступіў на гістарычны факультэт БДУ, адкуль быў адлічаны пасля прэзідэнцкіх выбараў 2006 года[1].
З 2006 года працуе ў маладзёжнай арганізацыі Аб’яднанай грамадзянскай партыі, узначальваў партыйную маладзёжную арганізацыю «Маладыя дэмакраты».
З 2010 года — актывіст кампаніі «Гавары праўду!». Падчас прэзідэнцкіх выбараў 2010 года быў даверанай асобай кандыдата Уладзіміра Някляева.
Ініцыятар грамадзянскіх кампаній у падтрымку ўвядзення альтэрнатыўнай грамадзянскай службы.