Міхал Бжастоўскі (1722 — 21 мая 1784, в. Старыя Араны(польск.) бел.) — вялікалітоўскі дзяржаўны дзеяч, падскарбі вялікі літоўскі (1764—1784).
Паходзіў з роду Бжастоўскіх герба «Стрэмя», сын Канстанціна Бенедыкта Бжастоўскага. У юнацтве правёў шмат часу ў Германіі, Францыі і Італіі, дзе служыў у Каралеўскім нямецкім палку(фр.) бел.. Пасля вяртання атрымаў чыны палкоўніка i камергера (1749). У 1746—1764 шмат разоў выбіраўся паслом на соймы. Харунжы пяцігорскі, гусарскі, генерал-лейтэнант пяхоты (1753), пісар літоўскі у 1758—1762, вялікі канюшы літоўскі у 1762—1764, падскарбі вялікі літоўскі з 1764; староста аранскі з 1751, ашмянскі ў 1765—1770, пунскі з 1766[1].
У 1766 быў зроблены кавалерам ордэна святога Станіслава[2], у 1764 быў узнагароджаны рускім ордэнам Святога Аляксандра Неўскага[3], у 1758 узнагароджаны ордэнам Белага Арла, у 1764 узнагароджаны рускім ордэнам Святога апостала Андрэя Першазванага(руск.) бел.[4].