Міністэрства замежных спраў Украіны (укр.: Міністерство закордонних справ України) — дзяржаўны орган выканаўчай улады Украіны, які ажыццяўляе імплементацыю дзяржаўнай палітыкі ў вобласці знешніх адносін Украіны з іншымі дзяржавамі, а таксама з міжнароднымі арганізацыямі. Міністэрства замежных спраў Украіны ўзначальвае міністр, якога прызначае на пасаду і вызваляе ад пасады прэзідэнт Украіны ва ўстаноўленым заканадаўствам парадку. Міністр падпарадкоўваецца непасрэдна прэзідэнтупа пытаннях, якія адносяцца да канстытуцыйных паўнамоцтваў Прэзідэнта.