Мінгечаурская гідраэлектрастанцыя, Мінгечаурская ГЭС (азерб.: Mingəçevir SES) — найбуйнейшая гідраэлектрастанцыя ў Азербайджане на рацэ Кура, паблізу горада Мінгечаур. Найбуйнейшая ГЭС Закаўказзя.
Рашэнне аб будаўніцтве Мінгечаурскага гідравузла было прынята Саветам народных камісараў СССР у ліпені 1945 года. Мінгечаурская ГЭС будавалася на працягу 9 гадоў і была ўведзена ў эксплуатацыю ў 1954 годзе[1] (архітэктары Я. Папоў, В. Перлін, П. Рыжык)[2]; праз год была ўведзена ў эксплуатацыю менш магутная Варварынская ГЭС, якая размешчана на 14 кіламетраў ніжэй уніз па цячэнні ракі Кура і з’яўляецца контррэгулятарам Мінгечаурскай ГЭС. Разам яны ўтвараюць Мінгечаурскі каскад ГЭС.
Па дадзеных агенцтва «Навіны-Азербайджан» са спасылкай на ААТ «Азерэнержы» за ўвесь час эксплуатацыі (па дадзеных на канец 2008 года) ГЭС выпрацавала звыш 58,1 мільярда кВт • гадзіну, з іх каля 940 мільёнаў кВт • гадзіну за 2008 год[1].