Мілтан-Кінс (англ.: Milton Keynes) — горад на паўднёвым усходзе Вялікабрытаніі, у графстве Бакінгемшыр, знаходзіцца за 72 км на паўночны захад ад Лондана. Адміністрацыйны цэнтр унітарнай адзінкі Мілтан-Кінс. Як горад Англіі Мілтан-Кінс уяўляе сабой цікавасць тым, што гэта новае ўтварэнне, пабудаванае цалкам па загадзя падрыхтаваным плане. У ім няма гістарычнага гарадскога ядра, а замест гэтага ёсць гандлёвы цэнтр (англ. Mall) даўжынёй у 3 мілі, які ўключаны ў Кнігу рэкордаў Гінеса як самы доўгі гандлёвы цэнтр у Еўропе.